Ben Blushi lë politikën, bëhet drejtor i Top Channel

Ish-deputeti i Partisë Socialiste dhe ish-kryetari i partisë “Libra”, Ben Blushi do të jetë drejtori i përgjithshëm i televizionit Top Channel në Shqipëri. Presidentja e kompanisë, Vjollca Hoxha ka njoftuar për këtë lajm, përcjell albinfo.ch.

“Kam kënaqësinë të njoftoj të gjithë shikuesit dhe punonjësit e Top Channel se duke filluar nga sot Ben Blushi do të jetë drejtor i përgjithshëm i Top Channel.

Si një gazetar, shkrimtar dhe politikan që ka vendosur pavarësinë dhe të vërtetën mbi çdo interes, jam e bindur se Blushi do të ndihmojë Top Channel për të hapur një cikël të ri komunikimi dhe informimi me të gjithë dashamirësit tanë në krejt hapësirën shqipfolëse”, ka thënë ajo.