Çka i thotë Haradinaj Kadaresë për ditëlindje?

Kryeministri i Kosovës, Ramush Haradinaj i ka uruar ditëlindjen e 82-të shkrimtarit të madh shqiptar Ismail Kadare.

Haradinaj ka uruar që veprat e Kadares madhore të mbijetojnë nëpër shekuj, përcjell albinfo.ch.

“Me rastin e ditëlindjes suaj të 82-të, pranoni urimet e mia të ngrohta për shëndet të mirë. Dëshiroj që lexuesit t’i japësh ende perla nga arti Yt i madh letrar, kurse familjes shumë dashuri e ngrohtësi. Vepra juaj madhore do t’i mbijetojë shekujt, kurse fjala jote e fuqishme në mbështetje të kauzës së lirisë së Kosovës do t’u shërbejë brezave si kujtesë se nuk ishim vetëm. I dashur Kadare, Urime datëlindja dhe festofsh edhe shumë të tjera, i rrethuar me familjen, miqtë dhe librat”, ka shkruar Haradinaj.