Akuzohet për fajde

Prokuroria Speciale e Kosovës ka ngritur aktakuzë kundër Asdren Mekajt për shkak të kryerjes së veprës penale “Detyrimi”.

Sipas aktakuzës, i pandehuri nga viti 2010 deri në fund të vitit 2013, ka përdorur shantazh dhe kërcënime të rënda, personalisht si dhe përmes personave të tjerë të armatosur që ta detyrojnë të dëmtuarin P.G. që t’i para të gatshme dhe t’i blej vetura të shtrenjta, sipas kushteve të cilat i pandehuri vet i ka caktuar, përcjell albinfo.ch.

“Në këtë mënyrë i ka sjellë vetes dobi të kundërligjshme në vlerë prej rreth 200 mije euro. Ky rast është i ndërlidhur me rastin e fajdeve kundër të akuzuarve nga familja Kqira” thuhet në komunikatën për media të Prokurorisë.

Kohë më parë KTV-ja pati intervistuar Asdren Mekaj, që është kushëri i ish-kryetarit të Gjykatës së Apelit, Sali Mekaj, i cili kishte deklaruar se nga hetimet e Prokurorisë do të dalë i pafajshëm.

Avokati i tij ishte shprehur se hetimi kishte nisur nga dëshmia, siç e konsideron mashtruese, e Pal Grudës.