Policë civilë afër semaforëve nëpër Prishtinë

Shoferët që nuk i respektojnë rregullat e komunikacionit, më gjegjësisht dritën e kuqe, është dënimi 150 euro, 3 pikë negative dhe 3 muaj i ndalohet drejtimi i automjetit

Foto: Kallxo.com

Policia e Kosovës në ditët e fundit ka qenë shumë aktive, duke ‘shqiptuar shumë dënime.

Vetëm në kuadër të një operacioni të ri të Njësitit Rajonal të Komunikacionit Rrugor në Prishtinë për ngasësit që nuk i respektojnë rregullat e trafikut në semaforë, janë shqiptar 35 dënime, raporton ‘Kallxo.com’.

Togeri policor Qamil Behrami tregoi se për t’i disiplinuar ngasësit, Policia tashmë ka angazhuar edhe policë civilë të cilët kujdestarojnë nëpër vendet ku janë të vendosur semaforët në Prishtinë, përcjell albinfo.ch.

Nuk mungojnë masat ndaj atyre që nuk u pritet derisa të ndizet drita e gjelbër për ta vazhduar rrugën.

Behrami tha se ky plan do të vazhdojë tërë muajin, ndërsa theksoi se janë të obliguar të ndërmarrin masa ndaj atyre që nuk respektojnë rregullat e trafikut.

I gjithë ky operacion, është realizuar për të parandaluar numrin e madh të aksidenteve.

Shoferët që nuk i respektojnë rregullat e komunikacionit, më gjegjësisht dritën e kuqe, është dënimi 150 euro, 3 pikë negative dhe 3 muaj i ndalohet drejtimi i automjetit.

Plani i policisë ishte i shpërndarë në disa pika në kryeqytetin e Kosovës. Aksioni duket se ka qenë shumë i suksesshëm.

“Në kuadër të zbatimit të planit operativ deri më tani anë shqiptuar 35 tiketa nga policët, prej tyre 10 patentë shoferë janë konfiskuar për dritë të kuqe, kurse 4 automjete janë gjetur pa regjistrim ku janë konfiskuar targat e automjetit”, tha Togeri Behrami.