Një i vdekur dhe një i plagosur në Tiranë

Ilustrim

Një i vrarë dhe një i plagosur, është bilanci i një atentati që ka ndodhur mbrëmë në Tiranë. Emiliano Boçi, 32-vjeçar, është qëlluar me mori plumbash derisa po hipte në makinën e tij, ndërsa i plagosur ka mbetur 27-vjeçari Melvin Disha.

Policia thotë se nga hetimet e para rezulton që viktima ka një të shkuar kriminale, përcjell albinfo.ch.

Ai ka qenë i dënuar për tentativë vrasje dhe kishte 2 vjet që ishte liruar nga burgu. 32-vjeçari Boçi kohët e fundit kishte qëndruar edhe jashtë vendit, ku ka dyshime se është përfshirë në aktivitete të paligjshme.

Nga deklarimet e dëshmitarëve policia dyshon se autori i atentatit ka përdorur një pistoletë me silenciator, pasi në zonë nuk janë dëgjuar të shtëna. Policia po heton edhe konflikte të tjera të viktimës, pasi nuk përjashtohet mundësia e vrasjes për motivet e hakmarrjes apo ajo për shkak të pazareve të drogës.