Kulla e Jasharajve rrezikohet nga shembja

Kulla e Jasharëve në Prekaz ka filluar të shembet, për shkak të mungesës së kujdesit nga shteti. Vizitorët thonë se shteti duhet të investojë më shumë në këtë kompleks, raporton televizioni publik i Kosovës.

Ndërsa ciceroni i Kompleksit bën të ditur se projekti për Kullën e Jasharëve është gati, porse Qeveria duhet t’i ndajë mjetet financiare për rinovim, përcjell albinfo.ch.

Kullën dhe shtëpitë e Jasharëve në Prekaz, sikurse shumë memoriale dhe komplekse të varrezave të dëshmorëve, shteti i ka lënë krejtësisht në harresë dhe për mungesë të përkujdesjes ato tani kanë filluar të shkatërrohen, madje edhe të shemben.

Vizitorët nga të gjitha anët e vendit dhe nga trojet shqiptare, thonë se shteti duhet të investojë më shumë në këtë kompleks sepse nëse lihet kështu rrezikohet te humbet edhe kjo histori .

Në Kosovë janë 109 asete të trashëgimisë kulturore të cilat janë në rrezik të lartë. Ky rezultat del nga hulumtimi në terren i Fondacionit kosovar “Trashëgimia Kulturore pa Kufij”.