Hajnat i kthejnë 15 mijë euro

Policia e Kosovës ka bërë të ditur se në Fushë Kosovë, një person ka njoftuar policinë se dy persona i kanë vjedhur nga shtëpia e tij një shumë prej 15 850 (pesëmbëdhjetëmijë e tetëqind e pesëdhjetë) euro para të gatshme.

Policia ka arritur t’i arrestojë dy personat, që ishin të mitur, përcjell albinfo.ch.

Të miturit kanë pranuar se e kanë kryer veprën, si dhe i kanë kthyer paratë e vjedhura të cilat i janë dorëzuar viktimës.

Në konsultim me prokurorin rasti shkon në procedurë të rregullt.

Në raporton i Policisë njoftohet se dje rreth orës 17:30, njësia policore gjatë një pike kontrolli ka vërejtur tre të dyshuar të cilët ishin duke ikur dhe njëri prej tyre e kishte në dorë një televizor, njofton Policia e Kosovës..

Policia ka reaguar dhe ka arrestuar njërin prej të dyshuarve, ndërsa dy të dyshuarit tjerë kanë ikur në drejtim të panjohur.

Gjatë verifikimit është konstatuar se të dyshuarit kishin vjedhur në shtëpinë e viktimës mashkull K/Shqiptar të cilit i është kthyer televizori. I arrestuari me urdhër të prokurorit është dërguar në mbajtje.