Paga marramendëse në Telekomin e Kosovës, Postë e në KEK

Ministri i Zhvillimit Ekonomik, Valdrin Lluka, ka treguar për pagat mesatare në disa prej ndërmarrjeve kryesore publike të Kosovës.

Ai, në ‘Puls’ të KTV-së, ka thënë se paga mesatare në Postën e Kosovës është 800 euro, në Telekomin e Kosovës ajo arrin në 980 euro, derisa paga mesatare në KEK është diku rreth 600 euro, përcjell albinfo.ch.

Lluka ka thënë se nga 16 ndërmarrje publike që i monitorojnë, 11 punojnë me humbje.

Ai ka thënë se raportet për ndërmarrjet publike deri më sot nuk kanë shkuar asnjëherë në parlament.

Ministri ka treguar edhe një rast, kur ka thënë se “ka raste kur kompania i ka fituar 20 mijë euro krejt dhe ato para i kanë nda në bonuse për Bordin dhe drejtorët”.

“Pra, ka edhe këso rastesh kur keqmenaxhohet kompania”, ka thënë ai.