Google krijon version të veçantë të Androidit edhe për telefonat e dobët

Google ka shprehur edhe njëherë dëshirën e saj që të gjithë të kenë qasje në sistemin operativ Android, madje edhe ata që nuk mund të blejnë telefona të shtrenjtë.

Kompania njoftoi sot se Android Oreo (Go Edition) do të lansohet krahas sistemit Android 8.1. Sistemi i ri operativ është i fokusuar për telefona më të dobët, si Samsung Galaxy J3, Motorola Moto G që kushtojnë më pak se 400 dollarë.

Google thotë se ka parë miliarda njerëz që nuk mund të kenë qasje në sisteme të reja sepse s’kanë para për telefona të rinj, transmeton Albinfo.ch.

Kompania përpos këtij sistemi më të lehtë ka sjellë edhe versionet “Go” të aplikacioneve YouTube Go, Google Maps Go dhe Gmail Go, që zënë 50 për qind më pak hapësirë se versionet normale.

Ky version i ri pritet të kursejë së paku 600 MB të të dhënave për një vit, që mund të jetë shpëtim për telefonat e dobët.