Samsungu paralajmëron hapësirë rekorde brenda telefonave

Samsungu njoftoi të martën se po e bën gati zgjidhjen e parë për hapësirë prej 512GB në telefon, pak para lansimit të Galaxy S9

(KEYSTONE/GAETAN BALLY / Keystone)

Për dallim nga iPhone dhe iPadat, shumica e pajisjeve me sistem Android kanë mundësi të zgjerojnë hapësirën në pajisje me kartelat micro SD.

Ato mund të bartin deri në 400 gigabajt hapësirë ekstra, por çfarë për hapësirën 512GB vetëm në telefon?

Samsungu njoftoi të martën se po e bën gati zgjidhjen e parë për hapësirë prej 512GB në telefon, pak para lansimit të Galaxy S9, transmeton Albinfo.ch.

Në njoftimin e Samsungut, nuk përmendet asnjë pajisje, por sipas raportimeve Galaxy S9 apo Note 9 konsiderohen si favoritë për veçorinë më të re të kompanisë koreane.

Padyshim që një veçori e tillë pritet të rrisë edhe çmimin e telefonave.