Snapchati nis me ndryshime

Snapchati ka lëshuar për publikun disa filtra të rinj në aplikacion që bazohen në atë se çfarë është fotografuar.

Rrjeti social ka nisur të funksionojë me ridizajnimin e madh të aplikacionit me të cilin synojnë të mbajnë afër përdoruesit dhe reklamuesit.

Filtrat e rinj lëshohen automatikisht në bazë të asaj që përdoruesi fotografon. Një zyrtar i kompanisë ka thënë për “Mashable” se filtrat e rinj përfshijnë kategoritë si koncerte, ushqim, kafshë, sporte dhe plazh, transmeton Albinfo.ch.

Për shembull tani kur ju fotografoni një plazh ju del një filtër me shkronjat “Pamje Deti”.

Përpos veçorisë që pritet të gëzojë përdoruesit, kjo pritet t’i sjellë kompanisë përfitime të shumta sepse filtrat e sponsorizuara tani pritet të aktivizohen në bazë të një lokacioni të caktuar.