Bota
Në Gjermani, për dy vjet është dyfishuar numri i azilkërkuesve
Më së shumti refuzime të azilit kanë marrë shtetasit e Serbisë (17.000) dhe ata të Shqipërisë (15.000)
Brenda harkut kohor prej dy vitesh, numri i kërkuesve të azilit në Gjermani ishte dyfishuar, duke arritur në 1.6 milion sish, shkruan Agjencia Gjermane e Lajmeve, DPA. Më saktë, siç bën të ditur Zyra Federale e Statistikës, në fund të vitit 2016 ishin 851 mijë ose 113% më shumë se në fund të vitit 2014. Gjithsesi ky numër ka shtuar dukshëm përqindjen e të huajve në popullatën e Gjermanisë, transmeton albinfo.ch. 16 % ka qenë kjo rritje sipas zyrës në fjalë.
Gjatë po kësaj kohe, 158 mijë prej tyre kanë marrë vendimin negativ, gjegjësisht detyrimin për të lëshuar Gjermaninë.
Në kategorinë e azilkërkuesve, Enti i Statistikës ka vendosur të huajt që ndodhen në Gjermani duke iu referuar shkaqeve humanitare. Aty bëjnë pjesë personat që janë në procedurë të azilit, refugjatët me status të pranuar , refugjatët e pranuar sipas Konventës së Gjenevës dhe azilkërkuesit me status të refuzuar por që ende ndodhen në Gjermani.
872 mijë prej tyre ose 54% kanë pasur një status humanitar të qëndrimit dhe së këndejmi, status të njohur azili. Por në shumicën e madhe të rasteve kjo njohje ka qenë e kufizuar në kohë.
Kërkesa për azil u është hedhur poshtë 158 mijë azilkërkuesve dhe këta, në parim, janë të detyruar të largohen, transmeton albinfo.ch. Mirëpo, në 75 për qind të rasteve ky detyrim është shtyrë në kohë duke u dhënë personave të prekur një status tolerimi (Duldung).
Më së shumti refuzime të azilit kanë marrë shtetasit e Serbisë (17.000) dhe ata të Shqipërisë (15.000)
Janë gjithsej 573 mijë azilkërkues, mbi kërkesën e të cilëve nuk është vendosur ende.
Po ashtu statistika e fundit tregon se është pesëfishuar gjatë kësaj periudhe numri i ankesave gjyqësore të azilkërkuesve.
Dy të tretat e azilkërkuesve ose 64% të tyre në Gjermani janë meshkuj.
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri