Ambasada Gjermane ndihmon tri qendra mjekësore

Të premten e javës që shkoi Ambasadorja Gjermane në Tiranë, Susanne Schütz vizitoi së bashku me kryetarin e Bashkisë së Bulqizës, Melaim Damzi, qendrën mjekësore në Shupenzë, një nga qendrat mjekësore stacionare, të cilat janë mbështetur financiarisht nga Ambasada Gjermane.

Nëpërmjet kontributit gjerman janë përmirësuar në mënyrë të ndjeshme kushtet higjienike dhe sanitare në këto qendra, njofton Ambasada Gjermane në Tiranë.

Mbështetja gjermane plotëson kësisoj rikonstruktimin e qendrave shëndetësore të mundësuar financiarisht nga Ndihma Zvicerane për Zhvillim, përcjell albinfo.ch.