Rritja e Vetëvendosjes në Prishtinë

Në zgjedhjet e 22 tetorit, Ahmeti është renditur i pari në mesin e tetorit kandidatëve për kryetar të Prishtinës. Ai ka marrë 34 mijë e 407 vota, apo 43,49

Keystone EPA/VALDRIN XHEMAJ

Kandidati i Vetëvendosjes për kryetar të Prishtinës, Shpend Ahmeti, ka arritur të rrisë numrin e votave në zgjedhjet e vitit 2017 krahasuar me ato të vitit 2013. Edhe pse ai nuk ka fituar shumicën, ka fituar më shumë vota se para katër vjetësh në Zgjedhjet Lokale.

Në vitin 2013, Ahmeti kishte hyrë në garën e balotazhit si i dyti, me 27 mijë e 415 vota apo 31,8%. Këtë rezultat kandidati i Vetëvendosjes e kishte arritur në raundin e parë të zgjedhjeve lokale në vitin 2013, shkruan ‘kallxo.com’.

Në zgjedhjet e 22 tetorit, Ahmeti është renditur i pari në mesin e tetorit kandidatëve për kryetar të Prishtinës. Ai ka marrë 34 mijë e 407 vota, apo 43,49%, përcjell albinfo.ch.

Në balotazh ai do të ndeshet me Arban Abrashin e Lidhjes Demokratike të Kosovës.

Vetëvendosja është rritur edhe në votat për asamble komunale. Por, prapë kandidati Ahmeti ka marrë më shumë vota se lista e Vetëvendosjes për asamble.

Në vitin 2013 i kishte fituar vetëm 16 mijë e 14 vota, apo 20,15%. Kurse në zgjedhjet e vitit 2017, Vetëvendosja ka arritur t’i fitojë 24 mijë e 156 vota, apo 31,81%.

Gara e balotazhit do të mbahet më 19 nëntor, ku do të vendoset përfundimisht se kush do të udhëheq me kryeqytetin e Kosovës në katër vjetët e ardhshme.

Kujtojmë që në vitin 2013, Ahmeti kishte ‘mundur’ Isa Mustafën e LDK-së.