Balotazhi në 19 komuna mbahet më 19 nëntor

Pas procesit zgjedhor për pushtet lokal, të mbajtur më 22 tetor në Kosovë, rezultatet preliminare tregojnë se disa nga komunat e Kosovës, do garojnë edhe për një raund tjetër zgjedhor.

Sipas rezultateve aktuale, 19 komuna do të shkojnë në balotazh. Për balotazh kandidatët kanë të drejtë fushate për vetëm pesë ditë, përcjell albinfo.ch.

Sipas ligjit, raundi i dytë i zgjedhjeve për kryetar komune mbahet nëse asnjëri nga kandidatët nuk fiton më shumë se 50 për qind, plus një votë, të numrit të përgjithshëm të votave të vlefshme të hedhura në atë komunë.

Kështu në Komunat më të mëdha të Kosovës do të ketë balotazh, gjë që bën që të ketë një garë shumë interesante më 19 nëntor.

Nga 1,890,952 qytetarë me të drejt votë në Kosovë, të drejtën e tyre për të votuar e shfrytëzuan 819,865 shprehur në përqindje 43,68 për qind.