Pas Amerikës edhe Izraeli tërhiqet nga UNESCO

Vetëm pak orë pasi Shtetet e Bashkuara të Amerikës njoftuan tërheqjen nga organizmi kulturor i Kombeve të Bashkuara, UNESCO, me një vendim të ngjashëm për t’iu bashkuar amerikanëve ka dalë edhe Izraeli.

Amerika e argumentoi tërheqjen e saj me faktin se UNESCO kishte qëndrime anti-izraelite.

Kryeministri i Izraelit, Benjamin Netanyahu lavdëroi vendimin e SHBA-ve, duke e quajtur “të guximshëm dhe të moralshëm”, thuhet në deklaratën e lëshuar prej tij, përcjell albinfo.ch.

Kryetarja i UNESCO-s, Irina Bokova e quajti më herët tërheqjen e SHBA-ve si çështje “keqardhjeje të thellë”. Ajo pranoi, gjithsesi, se “politizimi” kishte triumfuar në organizmin e drejtuar prej saj në vitet e fundit.

Tërheqja e SHBA-ve përfaqëson një humbje të madhe për familjen e Kombeve të Bashkuara dhe multilaterizmit, shtoi Bokova.