Viktima e parë e të ftohtit në Zvicër

Në Gjenevë, në kampin e “të dëshpëruarve”, lëvizjes që proteston kundër spekulimeve bankare, javën e kaluar është gjetur një person në gjendje pa vetëdije. Ai ka vdekur menjëherë pas dërgimit në spital.

Policia nuk ka sqaruar nëse viktima ka qenë nën ndikimin e alkoolit ose drogës. Po kështu nuk dihet nëse ai ka qenë pjesëtar i lëvizjes që protestonte ose jo. Hetimet kanë filluar.

Të hënën, lëvizja e “të dëshpëruarve” ka shpallur përfundimin e protestimit në kamp, që e kishin filluar nga 15 tetori i vitit të kaluar. Ata do të protestojnë në forma tjera.