Tematike
Vrapi pas pasaportës së kuqe
Gjatë korrikut dhe gushtit, Zyra për Natyralizim, në Kantonin e Cyrihut ka regjistruar pothuaj dyfishin e numrit të kërkesave, në krahasim me periudhën e njëjtë të një viti më parë
Në rrethama normale, muajt e verës janë të qetë në ndërtesën e Zyrës për çështje komunale në kuadër të organeve të Kantonit të Cyrihut. Nga shkaku i pushimeve verore, gjatë këtyre muajve ka më pak kërkesa për natyralizim (pajisje me pasaportën e Zvicrës). Por, këtë vit gjendja ka qenë ndryshe, njofton srf.ch.
Gjatë korrikut dhe gushtit, kjo zyrë ka regjistruar pothuaj dyfishin e numrit të kërkesave, në krahasim me periudhën e njëjtë të një viti më parë, transmeton albinfo.ch. Shkaku për këtë rritje është i njohur: ashpërsimi i ligjit për natyralizim, që pritet të hyjë në fuqi që nga janari i vitit të ardhshëm.
“Kjo rritje është normale, kur dihet se kriteret për natyralizim do të ashpërsohen”, thotë Sandra Notter, udhëheqëse e sektorit përkatës. Ajo përkujton se edhe para se, në vitin 2015 të futej testi i detyruar i gjuhës gjermane, kishte pasur rritje të madhe të kërkesave për pasportë.
Ashpërsimi i ri godet në radhë të parë të huajt me qëndrim vjetor dhe ata me qëndrim të përkohshëm (F), përcjell albinfo.ch. Këta të fundit janë azilkërkues, të cilëve nuk u është njohur azili, por megjithatë nuk mund të kthehen në vendet prej nga kanë ardhur.
Por, shumica dërmuese e kërkesave për natyralizim, megjithatë vijnë nga të huajt me Vizë C, të cilët jetojnë gjatë në Zvicër, konstaton Notter. Hapi i ardhshëm është shqyrtimi nëse ushtruesit e kërkesave i plotësojnë kushtet për natyralizim, thotë ajo në fund.
Siç dihet, Kantoni dhe qyteti i Cyrihut, nga fillimi i këtij viti kanë zhvilluar një fushatë për sensibilizimin që të aplikojnë për pasaportë, të të huajve të cilët i plotësojnë kushtet për një gjë të tillë.
Të tjera nga Tematike
E-Diaspora
-
Albian Hajdari mund të jetë befasia e Zvicrës në Evropian Bëhet fjalë për 21-vjeçarin Albian Hajdari, i cili është ftuar nga Përfaqësuesja A e Zvicrës për...
-
Shqiptari në Angli fsheh drogë në çorape, dënohet me tre vjet burgim
-
Itali: Shqiptari e godet 8 herë me thikë ish-pronaren e hotelit ku punonte
-
‘Noli Film Festival’: Kinematografia shqiptare zbret në Boston për 3 ditë
-
Shkolla verore “Jam shqiptar”, nisin aplikimet për edicionon e dytë
Jeta në Austri
-
Kombëtarja shqiptare vendoset në Grac të Austrisë Në Austri kombëtarja do të qëndrojë deri më 8 qershor...
-
Gjashtë gjëra që duhet t’i dini për vizitat te mjeku në Austri
-
Kur janë pushimet shkollore në Austri në vitin 2024?
-
A është më mirë të marrësh me qira apo të blesh pronë në Austri tani?
-
Presidentja Osmani arrin për vizitë në El Salvador, pritet me ceremoni shtetërore