Shqiptarët nuk janë dembelë, ecin më së shumti në Ballkan

Duket se shqiptarët ecin më së shumti, sidomos në krahasim me vendet e rajonit. Maqedonasit bëjnë 5000-5500 hapa, kurse qytetarët e Kosovës, të Malit të Zi dhe Serbisë nga 4500-5000 hapa në ditë

Shqiptarët janë ndër popujt që ecin më së shumti. Kjo sipas një studimi të kryer nga kërkuesit e Universitetit të Stanfordit. Nga harta e publikuar prej tyre, shqiptarët bëjnë mesatarisht në ditë nga 5500 deri në 6000 hapa.

Duket se shqiptarët ecin më së shumti, sidomos në krahasim me vendet e rajonit. Maqedonasit bëjnë 5000-5500 hapa, kurse qytetarët e Kosovës, të Malit të Zi dhe Serbisë nga 4500-5000 hapa në ditë, shkruan ‘Monitor’.

Ndërkohë, grekët janë në intervalin e 4000-4500 hapave në ditë, përcjell albinfo.ch.

Kërkuesit e Stanfordit përdorën smartphone-t për të gjurmuar nivelin e aktivitetit it në mijëra njerëz në mbarë globin.

Hong Kongu ka qytetarët më aktivë, të cilët bëjnë mesatarisht 6,880 hapa në ditë. Më dembelët në botë janë indonezianët të cilët qëndrojnë të fundit në renditje me një mesatare prej 3513 hapa në ditë.