Behrami tregon kuptimin e tatuazheve të luftës (foto)

Ura e Mitrovicës, shqiponja, një shtëpi e shkatërruar, telat me gjemba, fishekë, dhe një djalë me top. Behrami tregon për kuptimin e tyre

Keystone

Valon Behrami është një nga futbollistët më me përvojë te Zvicra. Por, ai asnjëherë nuk e harron vendlindjen e tij, Kosovën. Madje, me tatuazhe ai mban një copë kujtimi nga e kaluara e tij.

Behrami ka disa tatuazhe në trupin e tij, por të fundit sigurisht se kanë shumë domethënie. E gjithë merita është e artistit napolitan, Gianluca Ferraro, shkruan ‘Blick’.

Në tatuazhe shihet një djalë i vogël me një top në rrugë. Shtëpitë e bombarduara, bombarduesit në qiell, tela me gjemba dhe fishekë. Ai gjithashtu ka tatuazh urën e Mitrovicës, si dhe një pëllumb të paqes, përcjell albinfo.ch.

Normalisht nuk ka si të mungonte edhe shqiponja dykrenore.

Behrami kujton fëmijërinë e tij të rëndë dhe fluturimin në Zvicër. Skenat e luftës janë nga viti 1989, kur konflikti midis serbëve dhe shqiptarëve fillon të përshkallëzohet. Ura mbi lumin Ibër, e cila lidhte pjesët serbe dhe shqiptare, tani është rindërtuar falë ndihmës së BE-së. “Nuk mund ta kujtoj luftën. Isha vetëm katër vjet. Por, babai më ka treguar për këtë. Ai është rrahur. Ai vendosi se nuk do të kishte të ardhme për të dhe familjen e tij në Mitrovicë”, thotë Behrami.

Shtëpia e bombarduar në tatuazh është e ish-gjyshërve të tij, të cilët jetonin në pjesën serbe të qytetit. Ajo u shkatërrua nga serbët. Behrami së bashku me familjen shkoi në fillim të viteve 1990 në Zvicër, transmeton albinfo.ch.

Behrami që 12 vjet mbron ngjyrat e Zvicrës në futboll. Zvicra do të luajë ndaj Andorrës të enjten dhe më pas ndaj Letonisë. Futbollisti shqiptar shpreson se do të luajë njërën nga këto ndeshje.

Fotot nga rrjetet sociale: