Brnabiq: Vendimi i Vuçiqit nuk do të thotë se Serbia do e njoh Kosovën

Këtë qëndrim e ka dhënë në Durrës, kryeministrja e Serbisë, Ana Brnabiq

Beograd, 15.06.2017. -Arhivska fotografija - Kandidat za predsendika Vlade Srbije je Ana Brnabic, saopstio je danas predsednik Srbije Aleksandar Vucic. (BETAPHOTO/EMIL VAS/MO)

Serbia nuk do ta njohë Pavarësinë e Kosovës, por e vlerëson si teje të rëndësishëm dialogun zbatimi i marrëveshjeve të arritura gjatë këtij procesi.

Këtë qëndrim e ka dhënë në Durrës, kryeministrja e Serbisë, Ana Brnabiq, transmeton albinfo.ch.

“Nga pikëpamja e çështjeve të brendshme të Serbisë, Presidenti Vuçiq mori një vendim shumë të rëndësishëm dhe me shumë përgjegjësi për të ftuar të gjithë në këtë debat të brendshëm mbi të ardhmen e dialogut mbi Kosovën. Që të jem tërësisht e sinqertë me ju, nuk e shikoj Serbinë që të njohë Kosovën, por është shumë e rëndësishme për ne, që të kuptojmë se çfarë ne duam nga dialogu me Kosovën dhe është gjithnjë mirë që të flitet”, u shpreh kryeministrja serbe.

Duke u ndalur tek bashkëpunimi rajonal mes vendeve të Ballkanit Perëndimor, ajo nënvizoi rëndësinë e takimeve të këtyre niveleve, të cilat parashtrojnë problemet e të gjithë rajonit përpara BE-së dhe vendet merren vesh për projekte madhore për vendet e Ballkanit Perëndimor.