Babë e bijë ishin me nënshtetësi gjermane, sot duhej të ktheheshin në Gjermani

G.N, i lindur në vitin 1974 dhe bija e tij A.N e lindur më 2001, ishin shtetas gjermanë dhe këtë të shtunë kishin planifikuar të ktheheshin në Gjermani

Nga aksidenti i rëndë që ndodhi të premten në Bjeshkën e Pobërgjës në Deçan, mbetën të vdekur babë e bijë, derisa katër të tjerë u lënduan.

Vllaznim Nitaj, i cili ishte me viktimat në momentin e aksidentit, thotë se shkak i këtij aksidenti ishte bërë një defekt në makinën e tyre, raporton “KTV”.

Në makinë ishin edhe katër persona të tjerë, dy prej të cilëve janë duke u trajtuar në Spitalin Rajonal të Pejës, ndërsa njëri në QKUK. G.N, i lindur në vitin 1974 dhe bija e tij A.N e lindur më 2001, ishin shtetas gjermanë dhe këtë të shtunë kishin planifikuar të ktheheshin në Gjermani, përcjell albinfo.ch.

“Viktimat kanë gjetur vdekjen derisa ishin duke shkuar për ta vizituar një familjar të tyre, me ç’rast viktima e parë ka vdekur në vendin e ngjarjes, ndërsa viktima e dytë në spitalin Rajonal të Pejës”.