Institucionet e pavarura në Kosovë pa transparencë dhe pa dhënë llogari

Vetëm Autoriteti Rregullator për Shërbimet e Ujit mundohet të ofrojë llogaridhënie dhe transparencë nga 9 institucionet të cilat janë monitoruar nga Grupi për Studime Juridike dhe Politike

Institucionet e pavarura në Kosovë nuk e qajnë kokën për transparencë dhe llogaridhënie.

Vetëm Autoriteti Rregullator për Shërbimet e Ujit mundohet të ofrojë llogaridhënie dhe transparencë nga 9 institucionet të cilat janë monitoruar nga Grupi për Studime Juridike dhe Politike.

Drejtuesit e kësaj OJQ-je kanë prezantuar analizën e politikave të titulluar “Sa llogaridhënëse janë institucionet e pavarura në Kosovë”.

Albana Rexha deklaroi të gjitha këto institucione  janë të mangëta me konsultimet e publikut ndërsa shtoi se Autoriteti Kosovar i Konkurrencës fare nuk i bënë publike raportet. “Problemet kryesore me llogaridhënien kanë të bëjnë me mungesën e mundësisë së sanksionimit nga ana e komisioneve parlamentare, gjatë raportimit të këtyre institucioneve në kuvend. Gjithashtu institucionet e pavarura nuk bëjnë raporte të performanës së tregut e që është detyrë e tyre”, ka thënë Rexha, përcjell albinfo.ch.

Në këtë analizë janë përfshirë Autoritetin Kosovar i Konkurrencës, Autoritetin Rregullatorë për Shërbimet e Ujit, Zyra e Rregullatorit për Energji si dhe  Komisioni për Miniera dhe Minerale.