Italianët: Lirë e mirë në Shqipëri

Bukuritë e shumta dhe çmimet e lira. Ky është përshkrimi i italianëve për Shqipërinë

Me bregdetin shqiptar janë të mahnitur edhe italianët. Ata kohët e fundit kanë publikuar shumë shkrime për bukurinë e Shqipërisë. E fundit është “Libero Quotidiano” me autorin, Giuseppe Spatola.

Ai tregon për bukuritë e bregdetit shqiptar, sidomos të jugut, por edhe ushqimet e lira, përcjell albinfo.ch.

Shqipëria është një vend shumë i mirë dhe që i pret turistët për t’i eksploruar, me kosto shumë të ulët. Jugu është i pasur me shumë bukuri.

Por, edhe çmimet janë shumë të arsyeshme. Ai ka marrë shembull një hotel në Vlorë me katër yje, ku për dhjetë ditë ka paguar 700 euro në mes të sezonit turistik, që diku tjetër do të kushtonte shumë më shumë.

Gjithashtu edhe çmimet e ushqimeve janë shumë të lira, por më mirë të thuhet shumë të lira. Shqipëria preferohet sidomos për familjarët që mund të kalojnë pushimet me jo shumë shpenzime, dhe duke shijuar bukuritë e mëdha të jugut.

Afër Vlorës ka shumë plazhe të mahnitshme, me ujë të kristaltë, me shpella e shumë vende për t’i zbuluar.

Shqiptarët i kanë të gjitha mundësitë që të jetojnë pa u larguar nga vendlindja e tyre.

Gjithashtu edhe çmimet e ushqimeve janë shumë të lira, që është një nga karakteristikat në Shqipëri. Vlora e Saranda e deri te ishulli i Korfuzit, janë bukuritë e shumta që t’i ofron Shqipëria.