Murati: Duhet trajtuar seriozisht organizimin e mësimit shqip në diasporë

Duke marrë pjesë në debat, ministri i diasporës në Qeverinë e Kosovës, Valon Murati ka theksuar nevojën për gjetjen e një modeli për riorganizimin e diasporës pasi që ajo është futur në një fazë tranzicioni.

Nën organizimin e  shoqatës Germin-it e me përkrahjen e MeD u mbajt të mërkurën debati me përfaqësuesit e diasporës me temën “Avancimi i rolit të diasporës: sfidat dhe mundësitë.

Në këtë diskutim u shtruan shumë çështje të rëndësishme të raporteve të Kosovës me diasporën dhe u konkludua se duhet ta rrisim komunikimin e ndërsjell edhe për të hequr paragjykimet që po lindin herë pas here.

Duke marrë pjesë në debat, ministri i diasporës në Qeverinë e Kosovës, Valon Murati ka theksuar nevojën për gjetjen e një modeli për riorganizimin e diasporës pasi që ajo është futur në një fazë tranzicioni.

Në këtë kontekst ai ka nënvizuar domosdonë që shteti i Kosovës dhe Shqipëria të trajtojnë më seriozisht çështjen e organizimit të mësimit shqip në diasporë, transmeton albinfo.ch. Po ashtu ai ka theksuar edhe nevojën e rritjes së pjesëmarrjes politike në institucione (sidomos në Kuvendin e Kosovës) dhe punën që duhet bërë në fushën investimeve nga diaspora sidomos në përmirësimin e sundimit të ligjit përmes forcimit të sistemit gjyqësor, zgjidhjes së problemeve energjetike si dhe punës në aftësimin profesional të fuqisë së re punëtore.

“Në të gjitha këto pika sqarova angazhimin e MeD, mundësitë e saj si dhe nevojën për një qasje më të gjerë shtetërore dhe kombëtare për zgjidhjen e disa prej problemeve që u shtruan”, ka thënë ministri Murati në një postim të tij në facebook.