Konkurs për një asistent/ekzekutiv/e në Ambasadën e Kosovës

                     Republika e Kosovës – Republika Kosova – Republic of Kosovo

Qeveria – Vlada – Government

                         Ministria e Punëve të Jashtme – Ministarstvo Inistranih Poslova – Ministry of Foreign Affairs

                      Ambasada e Republikës së  Kosovës në Bernë

K O N K U R S

Për vend të lirë pune:

Pozita:                             Asistent/e Ekzekutiv/e
Vendi i punës: Ambasada e Republikës së Kosovës në Bernë
 Kohëzgjatja e kontratës:  Një vit (me mundësi vazhdimi) me një periudhë provuese prej 3 muajsh
Data e aplikimit:             (03. 07 – 17. 07. 2017)

Detyrat dhe Përgjegjësitë

Nën mbikëqyrjen dhe përgjegjësin e Shefit të misionit, kryen detyrat dhe përgjegjësit si më poshtë:

Shërben si Asistent/e Ekzekutiv/e i Shefit të Misionit, por edhe mund të ofrojë mbështetje administrative për zyrtarët e tjerë të misionit. Ai/ajo mund të ngarkohet me funksionet e zyrtarit të protokollit si ndërlidhje të përditshme me Zyrën e Protokollit të shtetit pranues dhe autoritetet e tjera vendore. Ushtruesi i kësaj pozite duhet jetë në gjendje që të kryej një morri të funksioneve me qëllim të menaxhimit të zyrës:

–  Ofrimi i shërbimeve të telefonit dhe recepcionit;
–  Mbajtja e kalendarit zyrtar të Shefit të Misionit ose zyrtarit kryesor të Ambasadës;
–  Mbajtja e evidencave për pushim dhe për paraqitje në punë, dosjet e personelit të misionit, të dhënat për
menaxhimin financiar, të dhënat dhe llogaritjet e tjera për pagat shtesë dhe gostitje, si dhe dosjet themelore
(politike, ekonomike, të tjera) të misionit;
–  Procesimi i korrespondencës së të hyrave dhe shpenzimeve, hartimi i korrespondencës së thjeshtë dhe
joteknike, si dhe hartimi i shkresave rutinore;
–  Përgatitja e ftesave dhe mirëmbajtja e dosjeve protokollare të misionit, listës së mysafirëve, korrespondenca
me Zyrën e Protokollit të shtetit pranues dhe misionet e tjera diplomatike, si dhe të dhënat që
kanë të bëjnë me ngjarjet dhe gostitë zyrtare.
–  Kryerja e përpunimit të fjalëve në kompjuter, transkriptimi, fotokopje, përgatitja e dokumenteve dhe
funksioneve përkatëse.
–  Aranzhimet e takimeve, ngjarjeve sociale, vizitat e delegacioneve dhe vizitorët e tjerë zyrtarë, si dhe
udhëtimet zyrtare; mbajtja e kontakteve me ofruesit e shërbimeve për të mbështetur vizitat zyrtare dhe
aktivitetet e misionit.
Kriteret dhe kushtet e nevojshme

• Të ketë diplomën universitare;
• Të jetë shtetas/e e Republikës së Kosovës (me qëndrim të rregulluar në shtetin pranues), shtetas/e i/e shtetit pranues apo shtetas/e  i/e vendit të tretë;
• Të njoh gjuhën angleze apo gjuhën e shtetit pranues;
• Aftësia e dëshmuar për sistemimin dhe mirëmbajtjen e dokumentacionit, përcaktimin e zgjidhjeve të duhura;
• Të ketë shkathtësi të dëshmuara dhe efektive të komunikimit me shkrim dhe me gojë në gjuhën angleze apo në gjuhën e shtetit pranues;
• Njohuri në aspektin e ofrimit të shërbimeve diplomatike dhe konsullore
• Të ketë shkathtësi të shkëlqyeshme të vet-organizimit, të jetë në gjendje për punë efektive në një ambient nën presion;
• Të ketë 3 vjet përvojë  relevante të punës

Kandidatët të cilët aplikojnë duhet ti plotësojnë këto kushte. 

– CV-në;

– Kopjen e letërnjoftimit;

– Kopjet e kualifikimit-diplomës;

– Dy referenca të punës dhe një letër motivuese;

– Çertifikatën nga mjeku për gjendjen shëndetësore;

– Çertifikatën se nuk është nën hetime nga autoritetet e shtetit pranues;

Dokumentet dorëzohen në Ambasadë, ose përmes postës në adresën Amthausgasse 3, 3011 Bern nga data 07.07-17.07. 2017

Dokumentet e dërguara për konkurs nuk kthehen.