Manifestime
Dita e Flamurit, ditë e fëmijëve të shkollave shqipe në Zvicër
U festua në prezencë të një numri të konsiderueshëm të qytetarëve zviceranë nga jeta politike dhe kulturore e Rorschach-ut
E vogël ishte salla e qytetit për t’i bërë vend tërë atij komunitetit shqiptar të kësaj ane që kishte mësyrë „Stadhof”-in për nder të festave të Nëntorit të shtunën mbrëma në Rorschach. Në prani të qindra pjesëmarrësve, fëmijë të shkollës shqipe nisën kujtimet e Nëntorit me interpretim të himnit kombëtar.
Kjo datë që kishte mbledhur shqiptarët pa dallim nga të gjitha viset, afron ata mes vete, dhe ishte edhe një herë kënaqësi për të parë varg e varg familje të shumta shqiptare se si shënojnë këtë përvjetor bashkë me fëmijët e tyre në një ambient të stolisur kuq e zi. E gjithë kjo në prezencë të një numri të konsiderueshëm të qytetarëve zviceranë nga jeta politike dhe kulturore e Rorschach-ut.
Festa nuk u harrua as nga përfaqësuesit e shtetit të Kosovës: Konsullja në Cyrih e Republikës së Kosovës, znj. Dhurata Selimi, me një fjalë të rastit shkurtimisht përshëndeti të pranishmit duke iu uruar festat e Nëntorit.
Përfaqësuesi i shkollës shqipe të kantonit St. Gallen, Vaxhit Sejdiu, foli më pas për rëndësinë e ditës së flamurit dhe datës së shenjtë shqiptare. Për angazhimin e shkollës shqip me mësim plotësues dhe hapjen e paraleleve të reja në kuadër të kantonit St. Gallen të pranishmit u njohën përmes skenës dhe programit artistik, që kishin përgatitur fëmijë të këtyre shkollave falë organizimit meritor të shoqatës shqiptare AVB (Albanischer Verein am Bodensee) me në krye aktivistin Afrim Maliqi, bashkë me Milazim Aliun dhe Zekirija Rexhepin.
Ndërsa jo shumë larg këtij evenimenti, një javë më parë, në Romanshorn, në hotelin Bodan, Ditën e flamurit e kishin festuar bashkë SHKA „Sharri“, Shkolla Shqipe a kantonit Thurgau, SHKA „Dielli“ dhe grupit i vallëzimit „Besa“. Manifestimi kishte filluar nga himni kombëtar, recitale, valle e interpretim të këngëve folklorike. Ndërsa këshilltari i Ministrisë së Diasporës, Ahmet Asani, në fjalën e tij kishte premtuar se komunitetin shqiptar në këtë kanton do ta shndërrojë në më të organizuarin e Zvicrës, se do të angazhohet për një mirëqenie sa më të mirë të komunitetit tonë këtu ngaqë ka përvojën e tij disavjeçare të mërgimtarit.
Edhe në këtë manifestim pati paraqitje të mrekullueshme të valleve e këngëve nga shoqëritë kulturore artistike.
Mund të themi se hyrja në 100 vjetorin e pavarësisë së Shqipërisë për shqiptarët e kantonit Thurgau dhe St. Gallen është mbresëlënëse dhe rrit shpresën se vitin e ardhshëm do të ketë një organizim të përmasave edhe më të mëdha.
Të tjera nga Manifestime
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?