Shkurt.ch
Moutier vendos sot: Me Bernën apo me Juran!
Vota e rreth 4500 personave do të vendosë këtë ndryshim të madh në jetën e komunës në fjalë dhe dy kantoneve përkatëse
Sot, qytetarët me të drejtë vote në qytetin dhe komunën Moutier të pjesës frankofone të Kantonit të Bernës votohet për ose kundër kalimit në Kantonin Jura. Vota e rreth 4500 personave do të vendosë këtë ndryshim të madh në jetën e komunës në fjalë dhe dy kantoneve përkatëse, shkruan srf.ch
Rezultati i votimit pritet të bëhet i ditur në orët e pasdites së sotme.
Mbikëqyrësit nga federata do të bëjnë vëzhgimin e votimit në vendvotimet e kësaj komune, transmeton albinfo.ch. Po ashtu në numërimin e votave do të jenë të pranishëm edhe juristët nga Zyra Federale për Drejtësi. Ata do të bëjnë krahasimin e dokumenteve të votimit me regjistrat e votimit. Autoritetet federale reagojnë me këtë masë për të parandaluar paralajmërimet e përhapura sipas të cilave me votimin me postë kanë ndodhur parregullsi. Fjala është për votat e banorëve të shtëpive të pleqve.
Katër vite më parë, në vitin 2013 qytetarët e regjionit të Jura-s së Bernës në një referendum kishin votuar me shumicë për të mbetur në Bernë. Çështja që shtrohej ishte themelimi i një kantoni tjetër ose bashkimi me kantonin ekzistues frankofon të Jura-s. Por qyteti Moutier, më i madhi i këtij regjioni, kishte votuar për dalje nga Berna, transmeton albinfo.ch. Ndërsa pasi që ishte mbivotuar nga pjesët tjera të regjionit, ishte detyruar të vazhdonte qëndrimin brenda kantonit të Bernës.
Autoritetet e qytetit Moutier të Kantonit të Bernës u kanë bërë apel të dy komiteteve të referendumit që mbahet këtë të diele – për dhe kundër daljes nga kantoni – që të ruajnë arsyen dhe gjakftohtësinë.
Deri në shpalljen e rezultateve, ithtarët e dy kampeve duhet të mos largohen nga vendet ku do të manifestojnë. Veç kësaj në apel thuhet në mënyrë të qartë: integriteti personal dhe pasuria private duhet të respektohen me çdo kusht, transmeton albinfo.ch Ky ton i apelit vjen për shkakun se në referendumet e mbajtura në vitet `70 të shekullit të kaluar gjendja ka rrëshqitur në dhunë.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?