Caritas kritikon sjelljen e shtetit ndaj refugjatëve të mitur

Në veçanti sa u përket procedurave, janë gjetur “abuzime flagrante dhe dallime të theksuara në mes të kantoneve” në këtë pikë, shkruan Caritasi në raportin e vet

Refugjatët e moshës fëmijërore dhe të mitur, në Zvicër nuk gëzojnë përkujdesje të mirë. Në këtë konstatim ka ardhur Organizata e madhe humanitare e Kishës Katolike, Caritas. Sipas saj, nevojiten përmirësime të theksuara në qasjen me më shumë se 5000 refugjatë të moshës së mitur, sa ndodhen aktualisht në Zvicër, shkruan srf.ch

Në veçanti sa u përket procedurave, janë gjetur “abuzime flagrante dhe dallime të theksuara në mes të kantoneve” në këtë pikë, shkruan Caritasi në raportin e vet, transmeton albinfo.ch. Fëmijët refugjatë shpeshherë detyrohen t`u nënshtrohen marrjes në pyetje para autoriteteve, pa qenë të informuar paraprakisht sa duhet mbi procedurën e azilit dhe mbi të drejtat e tyre.

Marrja në pyetje për herë të parë madje shpeshherë bëhet pa praninë e personit të autorizuar, të besueshëm, të cilin fëmijët kanë të drejtë ta kenë pranë. Veç kësaj, metodat për përcaktimin e moshës janë shpesh të dyshimta.