Sistem i ri për identifikimin e xhihadistëve

Një sistem i ri procedural do të jetë në gjendje t`i identifikojë xhihadistët që përbëjnë rrezik, shkruajnë sot gazetat “SonntagsZeitung” dhe “Le Matin Dimanche”. Ky sistem që në fakt është një varg pyetjesh të tipit të anketës, me emrin RADAR-iTE është përcjellë nga shefi i shtabit të Zyrës për ente korrektuese të Kantonit të Cyrihut, Jerome Endrass.

Në Gjermani mbi këtë bazë tashmë janë analizuar më shumë se 1000 persona të regjistruar si të rrezikshëm dhe “persona relevantë”.

Sipas Endrass, në gjithë botën vlerësohet të ketë më shumë se 50 milionë njerëz që e përkrahin xhihadizmin e armatosur. Nga ana tjetër, ekstremizmi fanatik religjioz është një indikacion i dobët për të konstatuar se dikush është atentator i mundshëm. Ndërsa sipas sistemit të ri, është qëndrimi ndaj dhunës ai që përcakton nëse një xhihadist do të bëhet i dhunshëm.