Ulet në 3.1% shkalla e papunësisë

Në krahasim me prillin e këtij viti, kemi një ulje të shkallës së papunësisë nga 3.3% në 3.1 për qind

Në Zvicër, në fund të muajit maj, në qendrat regjionale për ndërmjetësim të punës kanë qenë të regjistruar 139.778 persona si të papunë. Në krahasim me majin e një viti më parë, është shënuar një rënie prej 5000 vetash pa vend pune. Ndërsa, siç bën të ditur Sekretariati Shtetëror për Ekonomi (Seco) , në krahasim me prillin e këtij viti, kemi një ulje të shkallës së papunësisë nga 3.3% në 3.1 për qind.

Edhe papunësia e të rinjve ka pasur një ulje: ajo ka rënë në 14956 ose ka pasur 1260 më pak persona të kësaj kategorie në krahasim e muajin prill. Ndërkaq po u krahasua me majin e para një viti, në fund të majit që posa kali, ka pasur 1767 të rinj të papunë më pak.

Nga ana tjetër, në mars të këtij viti janë çregjistruar nga zyrat për ndërmjetësim të punës 3882 persona. Këta kanë shfrytëzuar deri në fund kompensimin e papunësisë dhe nuk kanë të drejtë më të paraqiten në zyrat në fjalë.