Stabilizim i numrit të dënimeve të shqiptuara nga gjykatat zvicerane

57500 dënime nga gjithsej 110 mijë sa janë shqiptuar gjatë vitit 2016 për të rriturit, kanë qenë për delikte në komunikacion

Gjatë vitit të kaluar në Zvicër është regjistruar numër afërsisht i njëjtë i dënimeve penale sikurse dhe një vit më parë. Te të rriturit janë shqiptuar diç më pak se 110 mijë dënime. Po ashtu i përafërt ka qenë edhe numri i dënimeve të shqiptuara për të rinjtë, shkruan sda.ch. Ai është ndalur në rreth 12 mijë raste, tregojnë të dhënat më të fundit të publikuara nga Zyra Federale për Statistikë.

Te dënimet e shqiptuara për të rinjtë, kemi një shtim sa u përket veprave penale me dhunë, transmeton albinfo.chë. Ndërsa ka pasur një rënie të numrit të dënimeve për delikte të kryera në komunikacion, për shkelje të ligjit mbi narkotikët dhe shkelje të ligjit mbi të huajt.

57500 dënime nga gjithsej 110 mijë sa janë shqiptuar gjatë vitit 2016 për të rriturit, kanë qenë për delikte në komunikacion, që është për 2 për qind më pak se një vit më parë. 17.900 dënime janë dhënë për shkelje të Ligjit mbi të huajt, ose 3 për qind më pak se një vit më parë, përcjell albinfo.ch. Ndërsa rënia më e madhe është regjistruar te dënimet për vepra penale të tregtisë me narkotikë (-6%).