Stuhi breshri dhe shiu në Thun

Para së gjithash bëhet fjalë për bodrume të mbushura përplot me ujë, kthina të ngrohjes të përmbytura po dhe rrugë të vërshuara nga uji

Në regjionin rreth qytetit Thun, Kantoni i Bernës, sot ka rënë breshër i përzier me reshje të fuqishme shiu. Brenda një kohe shumë të shkurtër, në polici kanë shkruar rreth 50 njoftime mbi rrezikun dhe dëmet e shkaktuara nga këto reshje të papritura, njoftojnë mediat lokale.

Para së gjithash bëhet fjalë për bodrume të mbushura përplot me ujë, kthina të ngrohjes të përmbytura po dhe rrugë të vërshuara nga uji, bëjnë të ditur në Policinë Kantonale të Bernës.

Ndërkaq Stacioni Meteorologjik Meteoschweiz ka shpallur shkallën numër 4 të rrezikshmërisë nga stuhitë në regjionin e Thunit, trasnmeton albinfo.ch. Kjo shkallë nënkupton që priten “stuhi lokale shumë të forta, të përcjella me erëra të fuqishme, breshër të madh dhe reshje të mëdha shiu”.