Zvicra, deri në 18 miliardë franga për aeroplanë të rinj luftarakë

Varianti më i lirë kushton 5 miliardë franga dhe përfshin vetëm 20 aeroplanë të rinj luftarakë. Ndërsa më i shtrenjti shkon deri në 18 miliardë franga.

Një grup ekspertësh të emëruar nga ministri zviceran i mbrojtjes, Guy Parmellin ka dalë me propozimin që Zvicra të blejë deri në 70 aeroplanë luftarakë. Krahas aeroplanëve ata propozojnë edhe blerjen e një sistemi të ri për mbrojtjen ajrore me mbështetje nga toka, shkruan sda.ch dhe transmetojnë të gjitha mediat zvicerane.

Ekspertët kanë prezantuar sot para mediave katër variante lidhur me këtë “pazar” të madh. Varianti më i lirë kushton 5 miliardë franga dhe përfshin vetëm 20 aeroplanë të rinj luftarakë. Ndërsa më i shtrenjti shkon deri në 18 miliardë franga.

Por ajo që mbetet e hapur në gjithë këtë problematikë është mënyra se si do të financohet ky projekt kaq i kushtueshëm. Në secilin rast, pagesa do të shpërndahej në periudhën prej vitit 2023 deri në vitin 20132, transmeton albinfo.ch. Dhe pikërisht në këtë periudhë Forcat e Armatosura të Zvicrës kanë paraparë edhe investime tjera, të shumta, të reja. Bëhet fjalë për investime në artileri, tanke luftarakë dhe automjete vëzhguese.

Rreth dy vite më parë ishte hedhur poshtë propozimi i ministrit të atëhershëm të mbrojtjes për blerjen e aeroplanëve luftarakë suedezë Grippe, të cilët kushtonin më lirë se këta, të propozuar sot nga grupi i ekspertëve.