Zvicra, 22 miliardë franga për hulumtime shkencore

Kjo shumë është për 10.5 për qind më e madhe se ajo e shënuar në raportin e fundit të bërë për këtë fushë, në vitin 2012

Foto ilustrim

Gjatë vitit 2015 Zvicra, për hulumtime shkencore dhe zhvillim ka ndarë mjete më shumë se kurrë ndonjëherë më parë. Gjithsej për këtë destinim janë dhënë 22.1 miliard franga. Kjo shumë është për 10.5 për qind më e madhe se ajo e shënuar në raportin e fundit të bërë për këtë fushë, në vitin 2012, njofton Zyra Federale për Statistikë, shkruan srf.ch.

Sipas shifrave nga viti 2015, faktorët më të rëndësishëm në fushë të hulumtimeve kanë qenë ndërmarrjet, transmeton albinfo.ch. Ato kanë pasur në duar dhe kanë menaxhuar me 71 për qind të këtyre parave. Në vendin e dytë, me 27 për qind kanë qenë universitetet.

Me shumën prej 22.1 miliard frangash të ndara për hulumtime dhe zhvillim, Zvicra qëndron shumë mirë në nivel ndërkombëtar, thuhet në raport.