Stacioni i trenit në Bernë do të zgjerohet

Stacioni i trenit në Bernë, i dyti më i madh në Zvicër, do të zhvillohet. Një stacion i ri nëntokësor, me katër linja, do të ndërtohet për Bern-Solothurn, dhe këtë për të zhvilluar qarkullimet rajonale Bernë - Solothurn.

Stacioni i trenit në Bernë është gati për të shpërthyer, dimensionet e tij nuk janë të mjaftueshme për funksionimin e tij, tha të enjten Zyra Federale e Transportit në një deklaratë. Kjo e fundit ka lëshuar një autorizim për dy projekte nën emrin e “Zukunft Bahnhof Bern” (Stacioni i ardhshëm në Bernë). Kostoja totale e punës është vlerësuar 1 miliard franga.

Pjesa SBB/CFF përfshin, mes të tjerash, zgjerimin e vendeve të pritjes së trenit, në pajtim me ligjin për barazi për personat me aftësi të kufizuara, si dhe ndërtimin e një kalimi të dytë për këmbësorët. Stacioni i ri nëntokësor si dhe zhvillimet e reja të tjera janë planifikuar të përfundojnë në vitin 2025.

Qyteti dhe kantoni i Bernës, Konfederata zvicerane, SBB/CFF si dhe firmat BLS dhe RBS do ta udhëheqin projektin, i cili ka tërhequr 41 kundërshtime, thuhet në deklaratë.