Berlini kërkon sqarime për spiunin e dyshuar zviceran

Ambasadorja zvicerane në Berlin, Christine Schraner Burgener, është thirrur të martën nga Ministria e Jashtme e Gjermanisë

Në çështjen e spiunit zviceran Daniel M., i cili thuhet të ketë hetuar apo spiunuar taksapaguesit në Gjermani, Qeveria Gjermane është duke kërkuar sqarime nga Berna.

Ambasadorja zvicerane në Berlin, Christine Schraner Burgener, është thirrur të martën nga Ministria e Jashtme e Gjermanisë. Qeveria gjermane kërkon sqarime për skandalin e spiunazhit në të cilin ishte përfshirë Daniel M., i cili u arrestua në Frankfurt të premten.

“Në interes të miqësisë gjermano-zvicerane, sekretari i shtetit ka kërkuar sqarime në lidhje me qytetarin zviceran të dyshuar për  spiunazh”, thuhet në një deklaratë të Ministrisë së Jashtme.