Zvicër: Pensioni, edhe për femrat, në moshën 65 vjeçare

Me ngritjen e moshës së pensionimit për femra nga 64 në 65 vjet, në Zvicër brenda vitit do të kurseheshin 800 milionë franga

Komisioni për çështje sociale i Parlamentit Federal synon që të shtyjë në 65 vjet moshën e pensionimit për gratë. Iniciativën për këtë ngritje e ka dhënë FDP, ndërsa në votimin e bërë në komision 13 vota kanë qenë pro këtij propozimi dhe 11 kundër.

Sipas propozuesit, me ngritjen e moshës së pensionimit për femra nga 64 në 65 vjet, në Zvicër brenda vitit do të kurseheshin 800 milionë franga. Të hollat e kursyera, sipas iniciativës parlamentare, në asnjë mënyrë nuk do të shfrytëzoheshin për qëllime kompensimi. Kjo do të thotë se ajo shumë nuk bën të përdoret për financimin e pensionimit të parakohshëm.

Komisioni pë çështje sociale ka kundërshtuar propozimin për përshtatjen automatike të pensioneve me shtrenjtimet e kostos së jetës. Kundër këtij propozimi kanë qenë 17 anëtarë ndërsa pro, vetëm 6 sish.