Festa e Pashkëve: Kolona deri 14 km para tunelit Gothard

Gjatësia standarde e kolonës sot ka qenë 7 kilometra paradite ajo ka arritur gjatësinë maksimale prej 14 kilometrash

Edhe ditën e dytë të fillimit të pushimeve të Pashkëve kolonat e pushuesve drejt jugut nuk kanë të ndalur. Në portën veriore të tunelit Gothard kolona gjatë pasdites ka qenë në mënyrë standarde rreth 7 kilometra e gjatë dhe pritja ka zgjatur një orë, shkruan sda.ch Ndërsa paradite ajo ka arritur gjatësinë maksimale prej 14 kilometrash, njofton Viasuisse.

Ndërkohë, pothuajse nuk ka mundësi të evitimit të këtij drejtimi, pasi që edhe rruga  tjetër drejt jugut përmes San Bernardinos është shumë e ngarkuar, transmeton albinfo.ch. Njësoj është edhe me rrugën St.Bernhard, ku makinat kanë bërë kolona prej disa kilometrash.

Moti i paralajmëruar i ligë që do të mbajë gjatë ditëve të Pashkëve në zonën veriore ka shtyrë veçanërisht shumë njerëz të marrin rrugën drejt jugut. Për këtë arsye SBB/CFF ka angazhuar edhe trena specialë, shtesë.