Shefat e Credit Suisse heqin dorë nga 40% të pagave

Shefi i koncernit, Tidjane Thiam dhe stafi i tij do të heqin dorë nga 40 për qind e bonusëve tashmë të ndarë për ta

Shefi i bankës së dytë më të madhe të Zvicrës, Credit Suisse, Tidjane Thiam dhe stafi i menaxherëve të lartë të bankës kanë vendosur të heqin dorë nga bonuset e tyre. Këtë veprim e bëjnë si reagim ndaj kritikave për pagat e larta të kryemenaxherëve, në një kohë kur banka ka punuar me humbje, shkruan srf.ch.

Kështu, Thiam dhe stafi i tij do të heqin dorë nga 40 për qind e bonusëve tashmë të ndarë për ta, thuhet në një komunikatë të bankës.  Veç kësaj, stafi i lartë i Credit Suisse ka vendosur që edhe për vitin 2017 të mos rrisë të ardhurat e veta, edhe pse më parë ishte planifikuar të rriteshin, transmeton albinfo.ch. Një debat i thelluar me aksionarët e bankës, të cilët kanë kritikuar lartësinë e të ardhurave të stafit të lartë. Kjo, bashkë me kritikat nga opinioni, ka sjellë deri në këtë situatë.

Credit Suisse gjatë vitit 2016 ka shënuar 2.7 miliardë franga humbje ndërsa shefi i saj, Tidjane Thiam ka marrë një pagë prej 12 milionë frangash.