Shqipëria në top destinacionet e vitit 2017 për t’u vizituar

Që nga vendet historike, plazhet e jashtëzakonshme, kampingun, kajakun, alpinizëm e shumëçka tjetër mund t’i shijoni në Shqipëri për vetëm disa ditë

?????????????

Pasi muaji mars gati ka kaluar shumica kanë bërë planifikimet se ku t’i kalojnë pushimet verore. Derisa shumë evropianë kanë rezervuar në Ibiza, Venecia, Salzburg e Amsterdam është një vend i veçantë në Evropë, që pret të eksplorohet.

Ky vend është fshehur mes Greqisë e Malit të Zi. Pra, bëhet fjalë për Shqipërinë shkruan “thenationalstudent.com”, që rekomandon të vizitohet Shqipëria në vitin 2017, përcjell albinfo.ch.

Në Shqipëri ka shumë vende për t’i vizituar, duke filluar nga kryeqyteti Tirana, për të vazhduar më pas në qytetin e bukur të Beratit, të mbrojtur nga UNESCO, pastaj Gjirokastra, qyteti i gurit.

Pasi t’i keni vizituar vendet historike, është koha për plazh, ku koha me diell në Shqipëri është për 300 ditë, apo e dyta pas Spanjës.

Nëse jeni aventurist mund të shijoni kajakun në lumin Osum, ku kanioni i lumit shtrihet për rreth 17 kilometra.

Dhërmiu ofron mundësi për plazh për ata që duan, ashtu si edhe kampingu në Jal, që ka bukuri të jashtëzakonshme. Plazhet e jashtëzakonshme vazhdojnë në Sarandë apo Ksamilin, ndërsa edhe Shkodra është një vend atraktiv për vizitorë.