Ngecjet në trafik: Më shumë në Cyrih dhe Gjenevë

Shoferët e automjeteve  kanë humbur shumicën e kohës nëpër kolona automjetesh në Gjenevë. Në vitin 2016 raportohet për një mesatare prej 38 minutash në ditë, 146 orë në vit. Kjo është e qartë nga indeksi i trafikut nga sistemi i navigimit TomTom, përcjell albinfo.ch.

Në Cyrih automjetet u bllokuan në trafik 33 minuta në ditë, ose 127 orë në vit. Shoferët në Cyrih kishin nevojë për mesatarisht 31 për qind më shumë kohë për udhëtimin e tyre. Në vitin 2008 ishte vetëm 26 për qind dhe në vitin 2010, 30 për qind.

Gjeneva renditet e 54-a, Cyrihu renditet i 93-i. Lozana ndjek pozitën e 116-të me një mesatare prej 124 orësh në vit dhe një bllokim të trafikut prej 29%. Lugano në rangun 153 doli me një vlerë indeksi prej 27 për qind. Bazeli erdhi në vitin 2016 me 123 orë dhe një mesatare prej 27 për qind më shumë se është e nevojshme për udhëtim.

Si gazetës «Schweiz am Sontag», Tom Tom ka analizuar ngecjet në trafik në gjithë botën mbi bazën e të dhënave GPS të pajisjeve të navigimit.