Shaqiri nuk ka luajtur 15 ndeshje këtë sezon

Kjo do të jetë ndeshja e 15-të që Shaqiri do të mungojë këtë edicion në Premierligë, për shkak të lëndimeve dhe zgjedhjeve të trajnerit

Keystone

Mesfushori shqiptar, Xherdan Shaqiri do të mungojë edhe në ndeshjen ndaj Middlesbrough që zhvillohet të shtunën, shkruan albinfo.ch.

Këtë e ka konfirmuar trajneri i Stoke City, Mark Hughes para kësaj ndeshje. “Ne nuk e kemi në dispozicion Shaqirin. Ai akoma nuk është stërvitur me ekipin, edhe pse është paraparë që të na bashkohet të premten, por ne mendojmë se ai ende nuk është gati për lojë”, ka thënë Hughes.

Kjo do të jetë ndeshja e 15-të që Shaqiri do të mungojë këtë edicion në Premierligë, për shkak të lëndimeve dhe zgjedhjeve të trajnerit.

Ai u transferua vitin e kaluar nga Interi për 15 milionë euro, derisa më parë ka luajtur për Bayernin dhe Baselin.