Më shumë kamera për monitorim të kufijve të Zvicrës

Parlamenti kërkon në të gjitha pikat kufitare të instalohen kamera, me të cilat policia mund të monitorojë trafikun.

Parlamenti pranoi një mocion nga radhët e CVP-së. Këshilltari federal, Ueli Maurer, ka argumentuar se mungojnë fondet për monitorimin e plotë të trafikut. Një monitorim pa mundësinë e ndërhyrjes nga një patrullë policore nuk do të sjellë asgjë, theksoi ai, përcjell albinfo.ch. Megjithatë, një zgjerim i sistemit është planifikuar. Sipas Maurer, është planifikuar që përveç 200 kamerave ekzistuese, të instalohen edhe 100 të tjera.