“Credit Suisse” do të shuajë 5 500 vende pune

“Credit Suisse” do të shuajë 5 500 vende pune këtë vit, pas shuarjes së 7 250 vendeve të punës gjatë vitit të kaluar. Grupi synon të zvogëlojë bazën e saj të kostos në 18.5 miliardë deri në fund të vitit.

Në fund të dhjetorit, numri i dytë i bankave zvicerane pati regjistruar kursime neto deri në 1.9 miliardë franga zvicerane, pra më shumë se sa ishte parashikuar (1.4 miliardë), u theksua në prezantimin e rezultateve të lëshuara të martën nga banka më e madhe në Zvicër. Baza e kostos operative qëndronte në fund të vitit me 19.4 miliardë (me ritme konstante).

Sa për kujtesë, në dhjetor kjo bankë pati ngritur synimet e saj ekonomike, duke kaluar nga 3.2 në 4.2 miliardë franga kursime, deri në fund të vitit 2018. Në po këtë horizont “Credit Suisse” dëshiron gjithashtu të sjellë shpenzimet e saj nën 17 miliardë.

Humbje e fortë në vitin 2016

“Credit Suisse” përfundoi vitin e dytë radhazi në ‘të kuqe të ndritshme’. Numri i dytë bankar zviceran pësoi një humbje neto që i atribuohet aksionarëve me 2.44 miliardë franga në fund të vitit fiskal 2016, një vit ku peshoi rëndë gjoba nga SHBA-ja.