Zvicra, lider në botë me produktet bio

Zvicra llogaritet të jetë kampione e botës për konsumim e produkteve organike bio. Këtë e tregon një studim nga Instituti i Kërkimeve të Bujqësisë Organike (FiBL).

291 franga janë shpenzuar në vitin 2015 për kokë banori për produktet organike zvicerane. Zvicra figuron në krye të renditjes në gjithë botën.

Danimarka llogaritet me 212 franga dhe vjen në vendin e dytë, Suedia me 196 franga, në vendin e tretë. Gjermania me 113 franga zvicerane vjen në vendin e tetë, vetëm përpara SHBA-së.

“Migros” ka bërë qarkullim në vitin 2015 me produktet bio 681 milionë franga zvicerane, “Coop” edhe 1.1 miliardë. Rritja është e shpejtë. “Coop” dëshiron deri në vitin 2025 të dyfishojë shitjet e saj organike dhe gjithashtu “Migros” pret një rritje të mëtejshme në këtë drejtim.

Në Zvicër 13 për qind e tokës bujqësore është përdorur për prodhimin e produkteve bio. Kjo nuk është e mjaftueshme, ndërsa në krye është Lihtenshtajni me 30 për qind, e pasuar nga Austria me 21 për qind.