Bllokohet në Barcelonë aeroplani i Swiss-it

Avaria në Barcelonë u arrit të tejkalohej më shüejt, gjegjësisht u riparua motori, kështu që pasagjerët patën mundësinë që të udhëtonin sot në mëngjes me aeroplanin e njëjtë

Vetëm pak ditë pas një problemi që pati një aeroplan i kompanisë ajrore zvicerane Swiss në Kanadanë Veriore , mbrëmë  sërish ka ndodhur  një incident i ngjashëm. Kësaj radhe avaria ka ndodhur në Barcelonë dhe nga ajo janë prekur 100 pasagjerë të aeroplanit Airbus A321, shkruan 30minutem.ch. Ata do të fluturonin nga Barcelona në drejtim të Cyrihut por për shkak të një problemi në motor u desh që fluturimi LX1957 të anulohej, transmeton albinfo.ch.

Udhëtarët, brenda mundësive në dispozicion, ose kanë gjetur linjë tjetër qysh mbrëmë ose janë strehuar nëpër hotele, ka thënë një zëdhënëse e Swiss.

Megjithatë, për ndryshim nga rasti në Kanada, avaria në Barcelonë u arrit të tejkalohej më shüejt, gjegjësisht u riparua motori, kështu që pasagjerët patën mundësinë që të udhëtonin sot në mëngjes me aeroplanin e njëjtë.