Shqiptari 23 vjeçar kapet me 1 kg heroinë

Pas kontrollimit që i është bërë në vendin ku ai banonte, policët kanë gjetur rreth një kilogram heroinë, me vlerë tregu prej rreth 50 mijë frangash

Policia e Kantonit Thurgau ka kapur të enjten që shkoi një tregtar droge, me ç`rast ka konfiskuar një sasi prej 1 kilogrami të heroinës. Siç bën të ditur portali polizeinews.ch, në këtë rast bëhet fjalë për një shqiptar të  moshës 23 vjeçare o cili është arrestuar në Stacionin Hekurudhor të qytetit Frauenfeld.

Në vend të ngjarjes atij i janë gjetur rreth 75 gramë heroinë dhe një sasi e madhe parash, transmeton albinfo.ch. Ndërkaq, pas kontrollimit që i është bërë në vendin ku ai banonte, policët kanë gjetur rreth një kilogram heroinë, me vlerë tregu prej rreth 50 mijë frangash. Veç kësaj aty janë konfiskuar edhe katër kilogramë lëndë përpunuese dhe disa mijëra franga para të gatshme.

23 vjeçari ndodhet në paraburgim ndërsa Policia Kantonale e Thurgaut nuk i ka përfunduar akoma hetimet. Prokuroria Publike e Frauenfeldit është duke zhvilluar hetime penale lidhur me rastin.