Arrestohen 23 persona për drogë, një gjerman dhe 22 shqiptarë

Mësohet se 23 personat e arrestuar janë nga mosha 19 deri 55 vjeç. Prej tyre vetëm njëri është gjerman, kurse të gjithë të tjerët janë me origjinë shqiptare

Policia gjermane ka bërë të ditur se ka arrestuar një bandë që përbëhej prej 23 anëtarëve, që merreshin kryesisht me shitblerjen e lëndëve narkotike. Rasti është shqyrtuar nga Prokuroria e Duisburgut, si dhe policia e Oberhausenit, shkruan “rp-online.de”.

Mësohet se 23 personat e arrestuar janë nga mosha 19 deri 55 vjeç. Prej tyre vetëm njëri është gjerman, kurse të gjithë të tjerët janë me origjinë shqiptare, përcjell albinfo.ch.

Grupi vëzhgohej prej kohësh nga policia, ndërsa drogën e marrë nga Shqipëria e kanë shitur në Duisburg, Oberhausen, Bottrop, Hagen, Soest dhe Paderborn.

Pjesëtarë të së njëjtit grup janë arrestuar më 18 janar në Holandë. Dhe prej aty është lehtësuar kapja e personave tjerë. 15 persona tjerë u arrestuan duke shitur drogë në rrugë. Të gjithë ishin shqiptarë.