Ish ministri gambian kërkon azil në Zvicër

Ousman Sonko ka qenë figurë qendrore e regjimit të ashpër të udhëhequr për një kohë të gjatë nga lideri autokrat Yayah Jammeh. Ai akuzohet se ka urdhëruar burgosje dhe torturime në mënyrë arbitrare

Ish ministri gambian i punëve të brendshme, Ousman Sonko, i njohur për politikën e tij shtypëse që ka udhëhequr, aktualisht është duke kërkuar azil në Zvicër. Nga muaji nëntor i vitit të kaluar ai ndodhet në një qendër pranimi të azilit në Kantonin e Bernës, ka konfirmuar edhe drejtori I policies në këtë kanton. Më pare kjo ishte njoftuar në emisionin «Rundschau» të televizionit publik srf.

Jo më larg se në vjeshtën që shkoi, Sonko, për arsye ende të panjohura ka braktisur Qeverinë e Gambisë dhe ka ikur nga vendi. Fillimisht ai kishte kërkuar azil në Suedi, ku kjo i ishte hedhur poshtë.

Ish ministri gambian ka qenë figurë qendrore e regjimit të ashpër të udhëhequr për një kohë të gjatë nga lideri autokrat Yayah Jammeh. Vetë Sonko akuzohet se ka urdhëruar burgosje dhe torturime në mënyrë arbitrare.